Når du bur heime

Inntekta og formuen til forsørgjarane dine avgjer kor mykje du kan få som grunnstipend og lån (behovsprøving). Alle elevar i vidaregåande opplæring med ungdomsrett får utstyrsstipend.

Maksimalt stipend og lån til heimebuar

I tillegg får alle elevar i vidaregåande opplæring med ungdomsrett, eit ikkje-behovsprøvd utstyrsstipend på 870, 1 940 eller 2 800 kroner i året. Storleiken på stipendet kjem an på kva for utdanning du tek. Du får stipendet med den første utbetalinga.

• Les meir om utstyrsstipend

Har du arbeidsinntekt eller høg formue, påverkar dette ikkje stipenda dine. Stipenda blir likevel behovsprøvd mot eventuell eiga trygd, pensjon eller lærlinglønn. Er inntekta eller formuen til forsørgjarane dine høg, kan resultatet bli at du ikkje får stipend eller lån utanom utstyrsstipendet.

• Les meir om inntekt og formue

Bustipend til deg som er gift eller har barn

Heimebuarar får ikkje bustipend. Er du gift eller har barn som du bur saman med, kan du få bustipend sjølv om du bur saman med foreldra dine. Les meir om bustipend på sida "Bur borte". Stipenda og lånet blir heller ikkje behovsprøvde mot inntekta og formuen til forsørgjarane dine. Dersom du har barn, kan du også få forsørgjarstipend.

Finn ut kor mykje du kan få i stipend og lån

Dersom du veit kor stor inntekt forsørgjarane dine (foreldre/steforeldre) hadde på likninga for 2008, kan du anten bruke støttekalkulatoren eller tabellen nedanfor for å finne ut kor mykje stipend og lån du kan få. Utstyrsstipendet kjem i tillegg. Les tabellen slik:

• Finn rett kolonne ut frå kor mange sysken du har
• Finn rett rad ut frå forsørgjarane sin økonomi i 2008 (vanleg inntekt)
• Følg raden bort til kolonnene for stipend og lån og les av kor mykje du kan få per månad

Du finn hele tabellen, med fleire barn, her

*) Dersom forsørgjarane har ei formue på meir enn 842 050 kroner, må du leggje 10 prosent av det overskytande beløpet til inntekta for at resultatet skal bli riktig.

**) Forsørgjarstipend og lån til skolepengar kan kome i tillegg.