Flytting

• Viktig å melde flytting – høgare og anna utdanning
• Viktig å melde flytting – vidaregåande opplæring
• Fristar
• Slik melder du frå
• Slik kan du sjekke om du allereie er registrert som bortebuar

Viktig å melde flytting

Høgare og anna utdanning

Dersom du er registrert som bortebuar hjå Lånekassen, kan du få inntil 40 prosent av lånet gjort om til stipend etter bestått eksamen.

Bur du i same hus som foreldra dine, får du ikkje stipend sjølv om du bor i eigen leilighet eller betaler husleige heime. Du blir også rekna som heimebuar dersom du bur i ein bustad som høyrer til huset der foreldra dine bur. Heile støtta blir då gitt som lån, og ikkje noko av lånet blir gjort om til stipend når utdanninga er fullført.

For å få stipend når du og foreldra dine bur i same hus, må de bo i atskilte boeiningar i eit hus som har fleire en fire sjølvstendige og klart atskilte boeiningar.

Flyttar du frå eller til foreldra dine i løpet av søknadsperioden, må du sende skriftleg melding til Lånekassen og opplyse om flyttedatoen og den nye adressa di. Flytting kan også føre til at du skal ha meir eller mindre reisestipend enn du eventuelt har fått. Når du melder frå om flytting, vil vi rekne ut støttebeløpet på nytt.

• Sjå kor mykje du kan få i støtte som heimebuar og bortebuar

Vidaregåande opplæring

Dersom du må flytte for deg sjølv, kan du få bustipend. For å få bustipend er det visse krav som blir stilte. Du må bu for deg sjølv, og i tillegg må minst eitt av desse krava vere oppfylte:

• Skolen ligg minst 40 km frå foreldreheimen
• Reisetida mellom heim og skole er minst tre timar tur-retur
• Det er spesielle forhold som gjer at du ikkje kan bu heime medan du går på skolen

Flytter du tilbake til foreldra dine, har du ikkje lenger rett på bustipend. Flytting kan også føre til at du skal ha meir eller mindre reisestipend enn du eventuelt har fått.

Fristar

Dersom du kryssa av for at du skulle bu heime i søknaden om støtte, men har flytta for deg sjølv etter at du søkte, må melding om flyttedato og hybeladresse meldast til Lånekassen seinast 15. november for haustsemesteret, og seinast 15. mars for vårsemesteret.

Dersom du kryssa av for at du skulle flytte for deg sjølv i søknaden om støtte, men ikkje ga hybeladresse eller flyttedato på søknaden, må du sende inn desse opplysningane til Lånekassen før undervisningsåret eller kurset er avslutta.

Søknader eller nye opplysninar som kjem inn til Lånekassen etter at undervisningsåret eller kurset er avslutta, blir ikkje behandla.

Lærlingar

Melding om hybeladresse og flyttedato for lærlinger, må meldast til Lånekassen innan 30. juni, eller innan lærekontrakten er avslutta, dersom lærekontrakten er avslutta før 30. juni.

Slik melder du frå om flytting

Slik kan du sjekke om du allereie er registrert som bortebuar

1. Logg deg inn på Dine sider og sjå oversikt over omgjering etter eksamen.
2. Syner tabellen at lån som kan bli omgjort er større enn kr 0, betyr det at du allereie er registrert som bortebuar. Alt er då i orden, og du treng ikkje sende inn nokon ting.
3. Syner tabellen at lån som kan bli omgjort er kr 0, må du sende inn bekreftelse på adresse og flyttedato.