Du blir forseinka i utdanninga dersom du oppnår færre studiepoeng enn det du har fått støtte til å ta. Blir du forseinka med meir enn 60 studiepoeng, får du ikkje meir støtte.
Dette fører til at du blir forseinka
Du blir rekna som forseinka i utdanninga dersom du bruker meir enn normert tid. Det skjer vanlegvis dersom du
- stryk til eksamen
- utset eksamen
- tek eksamen om igjen
- avbryt utdanninga utan å bestå eksamen.
Konsekvensar av forseinking
Dersom du blir forseinka i utdanninga, kan du få meir støtte på vanlege vilkår så lenge du er maksimalt 60 studiepoeng forseinka. Blir du forseinka med meir enn 60 studiepoeng, får du ikkje meir støtte. Dette gjeld både for fulltids- og deltidsutdanning.
Du kan likevel ha rett til støtte dersom forseinkinga skuldast fødsel, sjukdom, eller at du har nedsett funksjonsevne og har blitt forseinka fordi undervisningsopplegget ikkje var tilpassa funksjonshemminga di.
Slik får du rett til ny støtte
Du kan hente inn forseinkinga og dermed få rett til ny støtte, dersom du oppnår nok studiepoeng utan støtte frå Lånekassen, slik at du er maksimalt 60 studiepoeng forseinka.
Les meir