Sjekkliste for deg som er i et utdanningsløp i utlandet

Du må dokumentere fagleg progresjon

• Studentar i land utanfor Norden må sende inn C-skjemaet ("Documentation of academic progress and tuition fees".
• I Norden er det berre studentar som er i høgare utdanning normert til fire semester eller meir, som må sende inn N-skjemaet (”Documentation of academic progress and tuition fees in the Nordic countries”). Desse får tilsendt brev og N-skjema.
• På skjemaet må lærestaden dokumentere fagleg progresjon og betalte skolepengar.
• Lånekassen krev at dette blir dokumentert før du kan få meir støtte.
• Du kan ettersende dokumentasjonen elektronisk. Du treng referansenummeret du fekk då du søkte. Du finn det på Dine sider så lenge søknaden din ikkje er behandla.
• Du kan også sende inn dokumentasjonen på faks eller i posten.
• Etter at du har sendt inn C-skjemaet eller N-skjemaet, kan du søkje om vidare støtte på Dine sider.

Hugs pliktene dine

Som kunde i Lånekassen er du pliktig til å gi rette og fullstendige opplysningar.

• Hugs å melde frå om endringar i forhold til det som blei opplyst i søknaden (opplysningsplikt). Meld frå om endringar som for eksempel byte av lærestad og fagretning, forseinking, avbrot eller sjukdom. Du må sende inn skriftleg dokumentasjon på slike endringar, på faks eller i posten.
• Ver merksam på at Lånekassen reagerer strengt på brot på opplysningsplikta.
• Reaksjonsformer på misleghald kan vere omgjering av stipend til lån, rentebelastning i støtteperioden, umiddelbart krav om tilbakeføring av støtte, avslag på støtte eller betalingslette. Dei mest alvorlege tilfella kan bli melde til politiet.
• Det er viktig at du les breva frå Lånekassen, og at du sender inn den dokumentasjonen vi ber om. Lånekassen ønskjer så få misleghaldssaker som råd, men får mange slike saker fordi vi ikkje får svar på breva vi sender ut.