Utdanning i Australia

Det blir gitt tilleggsstipend til ei handfull lærestader i Australia. Vil du vite meir om Australia kan du besøke ANSA sine sider om utdanning i Australia. 

Informasjon om skolepengar, støtte til reiser og basisstøtte finner du her.

Til utdanning i Australia kan du få støtte til fulltidsutdanning på høgskole- og universitetsnivå. Vilkåra er at

• Utdanninga må være på fulltid
• Utdanninga tilsvarar, er på nivå med eller kan bli godkjent som del av ei norsk bachelor- eller mastergrad. Det kan også bli gitt støtte til utdanning som tilsvarar norsk grad på Ph.D-nivå. Les om godkjenning av utanlandsk utdanning i Noreg hos NOKUT
• Utdanninga må ha same opptakskrav som tilsvarande utdanning i Noreg 
• Helsefagleg utdanning må kunne gje grunnlag for autorisasjon i Noreg. Les om autorisasjon av helsepersonell i Noreg hos SAFH
• Du må være på lærestaden og kunne følgje undervisninga. (Utdanninga kan ikkje være distanse- eller fjernundervisning)

Tilleggsstipend

Tilleggsstipendet blir gitt i normert studietid til bachelor-, master og PhD-utdanningar ved utvalte lærestader. Det er ikkje nødvendig å sende inn eigen søknad om tilleggsstipend. Stipendet blir gitt på grunnlag av søknad om utdanningsstøtte.

Du kan også få tilleggsstipend dersom du tek eit delstudium, det vil sei utdanning i utlandet som er ein godkjent del av ei utdanning som du har begynt på i Noreg. Ved delstudier kan det blir tildelt tilleggsstipend til dei same lærestadene som for heile gradsstudier.

• Les meir om tilleggsstipend her 

Utvida tilleggsstipendliste

Desse utdanningane ved desse lærestadene er omfatta av tilleggsstipendordninga frå undervisningsåret 2009-2010.

Utvalet av utdanningar supplerer utvalet av lærestader som du finn i den ordinære tilleggsstipendlista.

Det er berre dei spesifiserte utdanningane ved lærestadene som er omfatta av ordninga.