Du kan søkje om å få utsett halve terminbeløpet i til saman seks år (24 gonger) eller heile terminbeløpet i til saman tre år (12 gonger) i løpet av tilbakebetalingstida. Konsekvensane er ulike for betalingsutsetjing med og utan rentefritak.
Maksimum tolv heile terminar
Du kan søkje om å få utsett halve terminbeløpet i til saman seks år (24 gonger) eller heile terminbeløpet i til saman tre år (12 gonger) i løpet av tilbakebetalingstida. Du kan kombinere halve og heile utsetjingar, men summen av utsetjingar utan rentefritak kan ikkje bli meir enn tolv heile terminar.
Dersom du kan dokumentere at du sannsynlegvis kan få rentefritak, kan du få fleire utsetjingar enn tolv. Du må leggje ved dokumentasjon som viser årsaka til at du søkjer om rentefritak, og som viser bruttoinntekta di per i dag. I tillegg må du opplyse om forventa brutto årsinntekt.
Nedbetalingstida kan ikkje bli utvida til meir enn 30 år og lånet skal vere betalt tilbake innan du fyller 65 år.
Slik søkjer du
Det er også mogleg å søkje på papir. Da brukar du søknadsskjema I, "Søknad om betalingsutsettelse og rentefritak", som du finn på samlesida for skjema.
Bruk denne utvegen med fornuft
Det å kunne få halve og heile utsetjingar gir deg større fleksibilitet. Du kan leggje opp nedbetalinga slik det passar økonomien din best. Bruk denne utvegen med fornuft, for det blir lagt til renter sjølv om du har fått utsett betalinga.
Brosjyren "Problemer med å betale"
Du kan skrive ut brosjyra "Problemer med å betale" frå sida med brosjyrar.
- Ei betalingsutsetjing - heil eller delvis - gir vanlegvis ei lengre nedbetalingstid, eller i nokre tilfelle høgare terminbeløp seinare. Dette betyr at du samla betaler tilbake meir i renter og gebyr.
- Får du rentefritak (sletting av renter) samtidig med utsetjinga, blir konsekvensen for den totale summen som skal tilbakebetalast mindre eller lik null.
- Har du fått lengre nedbetalingstid som følgje av ein eller fleire betalingsutsetjingar, kan du "krympe" nedbetalingstida igjen, og dermed også det totale rentebeløpet, ved å betale inn ekstrabeløp på eit seinare tidspunkt
- Du kan også be om ein ny betalingsplan med høgare terminbeløp som gjer at du ikkje bruker lengre tid enn det den opphavelege planen la opp til. Dermed kan du redusere dei totale renteutgiftene
Du kan bruke nedbetalingskalkulatoren til å sjå korleis ein eller fleire utsetjiingar slår ut på nedbetalinga av eit lån.