Slik innfrir du studielånet
- Logg inn på Dine sider for å få vite restgjelda di. Hugs at dersom du passerer eit månadsskifte før innbetalinga blir registrert i Lånekassen, blir det lagt til renter for ein månad til. Dersom desse rentene ikkje er med i det innbetalte beløpet, vil det bli ståande igjen ei restgjeld som du seinare vil få krav om å betale.
- Betal til Lånekassen sitt kontonummer 7694.05.12928. Hugs KID-nummeret.
For deg som skal innfri rett etter avslutta utdanning
Har du lån som skal omgjerast til stipend etter bestått eksamen, må du ikkje betale inn heile lånet, men la det stå igjen eit beløp som er like stort som det som skal omgjerast. Innfrir du heile lånet før omgjeringa, mister du stipendet, for pengane blir ikkje utbetalte. Kor mykje som kan bli omgjort, ser du på Dine sider.
For deg med fast rente
Har du fast rente, bør du lese meir om ekstrainnbetalingar og innfriing.
Les dette før du innfrir
Dersom du vil innfri (betale inn heile gjelda) eller refinansiere, bør du tenkje på at lån i Lånekassen har fleire fordelar:
- har sosiale ordningar som vanlege bankar ikkje har
- er personleg gjeld utan krav om pant eller anna sikring
- har ei gratis gjeldsforsikring dersom du blir ufør, og ved dødsfall