Ny i Noreg

Elevar som er under 18 år og som ikkje har foreldre i Noreg, må ha ei verje til å signere avtalen om støtte for seg. Er eleven over 18 år, signerer han/ho avtalen sjølv.

Nokon elevar, som ikkje har foreldre, har rett til fullt inntektsavhengig stipend og bortebuarstipend. Da må alle punkta gjelde:

• Eleven er 20 år eller yngre.
• Eleven har ikkje oppnådd studie- eller yrkeskompetanse.
• Eleven bur ikkje på institusjon, eller på anna måte har dekning til livsopphald frå det offentlege.

Elevar som bur på institusjon og får livsopphald dekka av det offentlege, har ikkje rett til lån og stipend frå Lånekassen. Det er unntak for elevar i førebuande opplæring eller vidaregåande opplæring som er 20 år eller yngre, og som ikkje har oppnådd studie- eller yrkeskompetanse enno. Dei kan få utstyrsstipend dersom nødvendig utstyr ikkje blir dekka av det offentlege.